Riba 1 di sèptèmber Sekretario di Estado di Relashonnan den Reino, Alexandra van Huffelen a habri e kongreso Komunikashon, Forsa di Reino, na un manera digital. Promé minister Gilmar Pisas alabes a hiba palabra durante e apertura.
E kongreso di dos dia na Kòrsou ta organisá pa Rijksdienst Caribisch Nederland, Ministerio di Asuntunan Interior i otro partner.
Presente tabata alrededor di 150 profeshonal di komunikashon di Boneiru, Sint Eustatius, Saba, Kòrsou, Sint Maarten, Aruba, Sürnam i Hulanda Oropeo. Nan a sigui diferente masterclass i tayer riba tereno di komunikashon.
Riba djaweps, 1 di sèptèmber e masterclass “De paraplu van interculturele communicatie” i “Woorden tussen wantrouwen en desinteresse” a tuma lugá. Durante e tayer “Crisiscommunicatie: samenwerken in het oog van de storm” kolaboradornan riba tereno di maneho di krísis tambe tabata presente.
Riba djabièrnè, 2 di sèptèmber e masterclass “De kracht van het gesproken woord” i “Strategische communicatie in de praktijk – claim je positie” tabata riba programa. Ta klousurá e kongreso ku “benben bo’i brùg”.
Lucia Beck, liaison di komunikashon pa ministerio di BZK, ta satisfecho ku tantu profeshonalnan di komunikashon a partisipá na e kongreso, kaminda konosementu i eksperensia, pero tambe netwerk i kolaborashon ta para sentral.
