Diahuebs mainta tempran a tuma luga un accidente riba caminda Avenida Nelson Orlando. Oduber. Ta trata aki di un Toyota Hatchback color berde cu tabata bin for di nort bayendo pa playa. E chauffeur tabata su so riba e ruta y pa un motibo of otro a perde control y mirando cu e tabata bin cu un velocidad halto a perde control y a ranca un palo di luz y despues a bay bolter. Central di polis a keda notifica y a manda diferente patruya pa cera caminda, tambe materialwagen mester a presenta pa por a saca e chauffeur di e auto. Tabata basta dificil pa por a saca e chauffeur for di e auto mirando con e auto a keda unda cu casi practicamente e chauffeur tabata basta pega den e auto. Sinembargo personal di brandweer cu a bin cu e materialwagen y esnan di ambulance a traha como un team y a logra saca e persona for di e auto y transporte pa hospital.
