E 17 puntonan hinca den e metanan di desaroyo sostenibel ta pa tur pais ta riba mesun pensamento y mesun linea di maneho. Intencion di e 17 puntonan aki ta pa hasi mas fasil maneha e mundo y lo bira mas fasil indoctrina nacionnan pa implementa un solo maneho cu otro palabra tur hende lo papia un solo lenga y lo tin un solo pensamento.
Nos por siña di pasado entre otro di e desaroyo di corona virus cu a cuminsa na Wuham. Un cos ta sigur e corona virus a wordo traha den laboratorio y ta prueba cu e ta un arma biologico. Aki no por tin discucion. E plan cu organisacion mundial di salud a hinca den otro a obliga tur pais pa sigui esaki al pie de la letra. Hendenan mester a bisti mondkap, social distancing y a bay over na un lock down. Italia ta e prome pais cu a bay contra e plan di maneho ora cu nan a hasi autopsia y a descubri e causa di morto. Leynan a wordo adapta pa kita derechonan di ciudadanonan. A forsa hendenan tuma e vacuna bao di e pretexto pa para e virus di sigui plama. Dokternan, bomberonan, polisnan y pilootnan cu no a vacuna a perde nan trabao . Awor e berdad a sali na cla cu e no ta un vacuna aproba pa uso humano.
Awe ningun hende kier para responsabel y laga sa cu cada persona tabata tin e libertad pa tum’e. Cristian Terhes den Parlamento di Union Europeo a cuestiona e representante di Pfizer paso Pfizer no ta para pa e daño cu e supuesto vacuna lo a causa. Union Europeo a hinca 1.8 biyon den e vacuna cu nunca a wordo getest pa uso humano. Pfizer tin e contract scondi pa e parlamentarionan europeo mira. Un plan globalista bon hinca den otro.
E metanan di desaroyo sostenibel agenda 2030 ta un modelo con a construi e toren di Babel. E ta un modelo globalista pa bin cu un solo gobierno. E modelonan di e edificionan na Bruselas Belgica y Strasbourg na Francia y aki na Aruba Cocolishi ta un replica di e toren di Babel. Den e epoca di construcion di toren di Babel e pueblo tabata papia un solo lenga.
Estados Unidos ta e ultimo pais cu e globalista kier tin bao di nan poder y asina domina henter mundo. E presidente di e parlamento di Union Europeo Ursula Von der Leyen ta pone presion riba paisnan den Union Europeo pero tin pais cu a para duro contra di e agenda aki. Paisnan manera Italia, Francia, Hulanda y Alemania ta den un lucha paso pueblo su wowonan a habri no ta accepta e metanan di desaroyo sostenibel mas. Hopi mentiranan ta saliendo na claridad. Gobierno nan rond kier sigui pusha pa impone e metanan globalista esta Agenda 2030 riba pueblo. Nos por corda con gobierno a blokia e chauffeurnan di truck Canades nan cuenta bancario pa via di protesta y cu a ninga di tuma e vacuna.
Esaki ta e plan diabolico cu gobierno di Aruba tambe ta den y ta sigui forsa pa ehecuta e plan comunista aki pa kita libertad di pueblo. Nos no por acudi na Hulanda tampoco pa awor paso Hulanda tambe ta hinca den Sustainable Developments Goals Agenda 2030. Esaki ta e motibo cu e boeren nan a duna gobierno hulandes ultimatum. Un votacion den tweede kamer pa kibra laso cu e forum mundial economico no a logra. Un cos ta sigur cu 80% di e pueblo hulandes ta contra di e plan di e agenda 2030 aki.
Aki na Aruba nos pueblo mester mira kico ta pasando paso nos ta un pueblo chikito. Si e gobierno hulandes no ta worry cu su mesun pueblo ta kico tin pa nos aki na Aruba. Aruba ta mas fasil pa tuma over paso gobierno a entrega Aruba su autonomia dia 13 di november 2020. Tempo cu a construi toren di Babel Dios a baha destrui e plan diabolico aki. Dios lo sa di destrui e plan e biaha aki tambe. Aruba tin un grupo di hende fiel na Dios ainda. Hustica di Dios lo baha riba esnan cu ta pusha e plan diabolico aki.