Investigacion Helsinki a kondusi entrada hudisial tres diferente kas na Sint Maarten i Kòrsou

Djaluna ultimo  19 di desèmber 2022, Recherche Samenwerkingsteam (RST) bou di supervishon di hues komisario (RC) a realisá dos entrada hudisial serka dos sospechoso den tres diferente kas na Sint Maarten i Kòrsou.

E entradanan hudisial a tuma lugá den konekshon ku e investigashon “Helsinki” kaminda tin un sospecho di froude i korupshon dor di entre otro un (èks) miembro di direktiva di un asina denominá “overheids-NV” (NV gubernamental). E investigashon ta kanando ainda, i na e momentu aki no ta ekskluí mas aresto òf entrada hudisial.

RST, bou di liderazgo di e Tim Sentral di Parkèt di Prokurador General di Kòrsou, Boneiru, Sint Eustatius i Saba, ta ehekutando e investigashon “Helsinki”.

E Tim Sentral ta enfoká su mes riba un aserkamentu spesialisá pa kombatí korupshon i kriminalidat organisá. E tim ta hasi investigashonnan penal ku un komponente ekonómiko-finansiero i ku ta impliká embolbimentu di Politically Exposed Persons (PEP), ámtenarnan, NV-nan gubernamental, fasilitadónan òf organisashonnan den sektor públiko. E delitunan transfronteriso aki hopi biaha ta inkluí, ademas di korupshon, formanan grave di froude fiskal i labamentu di plaka.