Entrante 1 di januari 2023 e contrato entre dermatologo Nuris Lampe y OE AZV a termina. Ta gradici dokter Nuris Lampe pa tur su añanan di servicio medico cu el a sa di brinda exitosamente na e aseguradonan di OE AZV.
Na mes momento, ta introduci un dermatologo nobo. Su nomber ta dokter Toflano Wongsowiredjo di Surinam. Dokter Toflano Wongsowiredjo lo ta temporalmente situa na Caya JEM Arends #9 (edificio banda di Gloria y entrada ta na e porta na man drechi). Aseguradonan di AZV cu tabata pendiente pa haya un cita por yama of email pa haci un cita. Number di telefon pa yama pa cita ta: 5274770. Por email tambe pa haya cita na: poli.dermatologie@hoharuba.com
Organo Ehecutivo AZV ta desea dokter Toflano Wongowiredjo exito na poli dermatologia.