Diasabra algo prome cu 8’or y mey di mainta, mienstras cu e parada di Jouve Morning tabata yegando su punto final, na altura di Joe Laveist un homber a dal abou y no tabata reacciona mas.
Mesora a pidi pa presencia di polis y ambulance cu hopi urgencia, na yegada di polis y ambulance a bin constata cu e homber aki a bebe asina hopi alcohol cu su curpa no por a want’e mas, e la bay for di tino y no tabata ni reacciona mas.
E paramediconan cu a yega na e sitio, a cuminsa traha cu ne y cu hopi urgencia a transport’e pa hospital.
