Diamars den oranan di merdia pasa di 12’or polis a bay poco pura un adres den Druivenstraat na Dakota, unda lo tin un problema.
Na yegada polisnan a bay un adres unda cu no tabata tin nada. Pero, dado momento a yega un dama na coremento y a splicanan unda precies e problema ta cu ta poco mas pazuid. Mesora e dos patruyanan cu a presenta a bay e adres.
Agentenan a constata algun glas kibra, un indicacion cu algo a pasa. Polis a constata cu un señora cu ta e mama lo tabata tin su man poco herida y a bisa polis cu ta e mes lo a kibra e glasnan. Tambe e la sigui conta cu e tabata tin problema cu su yiu homber.
Den mesun rosea ta bisa polis pa laga e cos manera e ta y cu e no mester polis pa papia cu e yiu cu a keda scondi paden. No a keda nada otro pa polis bandona e sitio, pero si a avisa si e yiu bay for di man un biaha mas lo detene.
