Dialuna ultimo den oranan di mainta polis a bay Santa Helenastraat pa un accidente di trafico cu hende herida. Na yegada polis a topa un Suzuki Vitara cu a perde control y baha caminda dal un cura.
Polis di trafico a papia cu e chauffeur cu ta un dama y e la bisa polis cu e tin basta dolor na su pia. Ambulance a wordo pidi pa e sitio y paramediconan a atende e dama na e sitio mes.
No ta conoci kico a pone cu e dama a perde control ariba su vehiculo, daño material ta considerabel.
