Tòp di partido MFK i PNP a reuní djamars 14 i djabièrnè 17 di febrüari, pa asina diskutí e situashon ku a presentá despues di e reunion di Parlamento di djaluna 13 di febrüari último.
A hiba diskushon amplio riba e forma ku miembronan di Parlamento ta komuniká ku otro.
Partidonan a yega na akuerdo ku mester bin un “Protokòl di Kolaborashon” ku mester ta base pa optimalisá i garantisá un bon komunikashon entre e partnernan di koalishon.
Meta prinsipal di e protokòl aki ta pa na momento di tuma desishon, pa partidonan aktua i tene kuenta ku;
- Akuerdo di Gobernashon
- “Landspakket” i “Uitvoeringsagenda”
- Programa di Gobernashon
- Palabrashon nan adishonal ku lo mester hasi durante di e periodo di gobernashon
- Fortifiká e forma di komuniká entre partidonan, pero tambe entre Minister i Parlamentarionan
E protokòl menshoná lo ser firma prome ku fin di febrüari próksimo, pa tur Minister i miembronan di Parlamento.
Partidonan a akordá, ku lo no duna mas deklarashon riba e tópiko aki.