Tourism Corporation Bonaire (TCB) i Fundashon Desaroyo Mundo Nobo a organisá un eksitoso promé Bario Festival ku a tuma lugá na Tera Kòrá – Mundu Nobo. E evento a tuma lugá riba djasabra 4 di mart 2023 den un tremendo ambiente di kultura, músika lokal, baile i mas.
E programa tabata yená ku aktuashon musikal i vários shèfkòk i empresario lokal ku a kompartí nan sekretonan kulinario. E gruponan musikal Grupo Eso i Foyan Boys tabata presente pa animá e anochi akí, huntu ku Brassband The Boys.
E evento tabata bon bishitá di parti di tantu nos habitantenan komo nos bishitantenan.
TCB ke gradisí un biaha mas su partnernan Ennia Bonaire, TUI, Selibon i Fundashon Desaroyo Mundu Nobo pa nan koperashon na e Bario Festival akí.
E siguiente Bario Festival ta tuma lugá dia 6 di mei 2023 na Rincon.
