Diputado Craane kier dialoga cu sector di hotel y restaurant tocante impuesto di awa di kloaka

Hues a dicidi cu e ordenansa pa impuesto di awa di kloaka, manera Conseho Insular a aproba esaki, no ta valido. Colegio Ehecutivo a ricibi informacion cu hues a duna e veredicto aki den e caso cu Bonhata e entama tocante e ordenansa di impuesto di awa di kloaka.

‘Entidad Publico Boneiro tin e posibilidad pa bay den apelacion, pero mi ta prefera un combersacion. Ta mi prome escoho pa bay den consulta cu e interesadonan y haña un areglo nobo cu por presenta na Conseho Insular. Dentro di poco e interesadonan lo ricibi un invasion pa esaki’, segun diputado Jolinda Craane.

Bonhata no tabata di acuerdo cu principalmente hotel y restaurant mester a paga hopi mas tanto, compara cu cas di famia y oficina. Hues a duna nan rason. Segun hues e ordenansa cu Conseho Insular a aproba ta en pugna cu e principio di igualdad y proporcionalidad.