Presidente di Eerste y Tweede Kamer di Hulanda ta kere cu respet politico mester keda duna den tur nivel

Lider di fraccion di PPA Otmar Oduber  ta kere cu e sinceridad cu a ser papia cu presidente di Eerste y Tweede kamer di Hulanda ta laga su curason mas trankil riba e situacion di Rijkswet. Sinembargo tambe a vocifera na nan riba e punto di preocupacion di expresion di un miembro di Tweede Kamer  Baudet  unda cu tin e pensamento y e intencion di colonisa e islanan den Caribe. Lider di PPA Otmar Oduber ta indica cu e bunita di por a scucha cu ambos presidente a keur af y ta distancia nan mes riba e pensamento di un miembro di nan den Tweede Kamer na Hulanda. Sinembargo loke cu a keda expresa tambe na nan cu e pensamento colonial ta biba ainda den mente di Hulandes nan mirando cu den pasado y te dia di awe a bin e tipo di expresionnan aki, pa Hulanda tene cuanta cu esaki unda cu tin trabou pa haci pa educa e Hulanes nan riba e respet muteo cu mester tin den Reino Hulandes.   Aruba no ta contra di un Rijkswet pero e condicionnan dne e Rijkswet mester por ta saludabel pa tanto Aruba y Hulanda unda cu ta respeta grensnan di otro.