Na Algemene Ziektekosten Verzekering (AZV) a tuma luga un conferencia di prensa na unda cu Prome minister Mike Eman y Minister di Salubridad Publico Mervin Wyatt RAs tabata presente pa anuncia un noticia positivo pa Aruba.
Awe 30 di April ta un dia hopi importante mirando cu durante añanan cu a pasa a bin ta scucha hopi di nos comunidad riba e preocupacionnan cu tin pa cu e remedinan, Prome Minister Mike Eman ta indica cu AZV su base semper tabata cu AZV ta cubri hopi di nos cuido medico principalmente e medicina nan. Sinembargo durante di e periodo di Pandemia mester a haci diferente ahustacionnan na bienestar di Aruba, pero hopi remedi a wordo kita y esaki a haci un diferencia hopi grandi den comunidad di Aruba unda cu hopi famia na momento cu nan mester busca nan remedinan cu anteriormente ta cubri pa AZV esaki nan mes mester a paga nan. Awe por duna bek y e remedinan cu e ciudadanonan ta ricibi pa cuida nan curpa for di e remedinan cu nan ta haya awor nan no mester paga pa esaki mas.
Prome Minister Mike Eman for di e ciudadanonan por a scucha e preocupacion , pero tambe for di boticarionan por a compronde cu na momento cu e ciudadano mester sa cu e mester paga e ta rabia y of e ta bay laga e remedinan paso e o lo por paga nan. E situacion a preocupa gobierno debi cu sa cu un dokter no ta prescribi un remedi pornada y si e pashent laga e remedi atras esey kiermen cu e ciudadano no ta haya e tratamento cu e tin mester cu ta conduci cu Aruba lo haya su mes den un otro problema.
Gobierno di Aruba a drenta den combersacion cu director di AZV sr Edwin Jacobs pa mira kico por haci y ki espacio por tin pa por trece e remedinan bek . Segun Prome minister Mike Eman gran parti di e remedinan a hiba diferente negociacion hunto cu colega minister Wyatt Ras y e organisacion di boticarionan. Tambe den momento di formacion dokternan y specialistanan cu tin di haber cu cuido medico na Aruba practicamente tur tabata di acuerdo cu mester a trece e remedinan aki bek .
Mirando tur e preocupacionnan cu tin y e impacto cu esaki a bin cu ne e decision a cay cu mayoria di e remedinan cu a wordo kita ta bini bek y e remedinan cu no ta wordo hopi uza no tabata necesario pa pone nan bek riba e lista. Prome minister Mike Eman ta indica cu e ciudadano por ta trankil mirando cu practicamente tur e remedinan cu ta wordo pre skirbi a keda poni bek riba e lista pa AZV cubri bek.