Fundacion Alzheimer a cende su luz nan y ilustra su cintanan na retonde di Web Aruba NV

Diabierna ultimo a tuma luga un momento hopi special na retonde di Web Aruba NV. Presidente di fundacion Alzheimer Aruba Melva Croes-Yánez a duna di conoce cu e ta hopi contento cu Web Aruba NV a pone disponibel e rotonde pa asina ilumina esaki y celebra e 20 aña di fundacion Alzheimer Aruba. Luna di september ta dedica na ALzheimer , fundacion ALzheimer Aruba lo haci pa full un luna largo diferente actividadnan rond di nos isla pa asina conscientisa comunidad di Aruba riba e malesa. Dia prome di September a ilumina e rotonde cu luz y tambe a pone e cinta di Alzheimer pa tur esunnan cu ta pasa riba e caminda por mira y pone atencion un rato riba e significativo  di e luna aki. Di e manera aki a inaugura e luna y e iniciativa di e luna di september y ta gradici Web Aruba NV pa e oportunidad aki. Na mes momento e fundacion ta celebra 20 aña di aniversario e aña aki. Presidente di e fundacion Alzheimer Aruba ta kere cu ta importante pa e comunidad di Aruba sigui reflexiona riba e condicionnan cu tin na Aruba mes un cos cu rond mundo. Sr. Marinus Wegereef  tambe ta forma parti di e comision di actividad di fundacion Alzheimer Aruba y tin prepara diferente actividadnan y dianan di conscientisacion pa cu e trastorno aki. Di e e manera aki Fundacion Alzheimer Aruba a habri nan luna di actividad y alabes e fundacion ta celebra su 20 aña di existencia.