November 4 y 5 ta bay tin un seminario hopi importante y interesante pa hopi di nos na Aruba. Tanto hende grandi y mucha ta sufri di ADHD. Mitsy Williams ta un Psicologo pa hopi aña na Aruba y ta mira tipo di casonan asina diariamente. Sinembargo dia pa dia e yudansa ta bira mas hopi y ta importante pa famianan sa con pa deal cu personanan y muchanan cu tin ADHD. Na Aruba tin hopi mucha cu ADHD y e atencion no ta mes un cos.
Mitsy Williams ta un Psicologo Arubiano cu ta traha cu Colombia unda cu nan ta specialisa y uza metodonan sin medicamento cu ta pone cu e muchanan cu ADHD por tin un oportunidad di bida cu no mester haya remedi cu cierto productonan kimico, pero por uza metodonan natural, tambe cu ehercicio neurologico cu por yuda e mucha.
E practica aki ta wordo haci pa hopi tempo caba y na unda cu tin testimonionan di mamanan cu a wordo yuda cu e plan nan structura pa atende cu e mucha cu un terapia pa yude cu su situacion di ADHD.
Tambe tin un cantidad grandi di hende grandi cu ADHD cu tempo nan tabata chikito nan no a wordo diagnostica cu nan tin ADHD y nan no a wordo yuda. E adultonan aki sin kita sin pone a pasa bida hopi duro den full su proceso , na scol con nan ta wordo trata unda cu semper nan tabata e malo di e pelicula y of e storia, tambe tin algun cu a drenta den droga of nan a drenta den cierto otro cosnan cu awendia ainda nan ta strogel cu nan situacion.
Sinembargo tambe tin otro nan cu a scapa pero semper nan tabata mira como e BOE di cas of di scol. Psicologo Mitsy Williams tin 5 aña ta trahando cu e metodo di Colombia y ta atende clientenan cu ADHD y ta mira un progreso y desaroyo positivo pa e serhumano den e parti aki.
E idea ta pa crea un fundacion pa asina sigui yuda e grupo di persona nan aki cu hopi biaha ta wordo hala un banda y nunca no a pensa riba nan.
Actualmente lo tin un seminario dia 4 y 5 di November y lo bin for di Colombia DRA. Elianethe Gomez cu ta un sra cu tin un centro grandi na Colombia y ta traha exclusivamente cu locual ta ADHD. Den e centro tin un cantidad di profesional cu ta traha pa yuda tanto mucha y hende grandi cu e problema di ADHD. Tambe ta duna workshop y ta siña otro profesionalnan rond mundo di e metodo natural y ta mustra tambe e resultado positivo cu esaki ta saca.
Tambe lo bin Aruba David Torres cu ta un neuro coaching y lo bay splica special con un persona por bay concentra. Hopi di e personanan cu ADHD nan problema principal ta problema di concentracion. Cada persona cu participa na e seminario internacional aki lo haya sa di e metodo y toolsnan con pa traha cu e muchanan y adultonan di ADHD.
Importante di henter e seminario aki ta cu tanto mayornan ta haya toolsnan, pero e docentenan cu ta traha cu e muchanan tur dia den klas tambe tin mester di e toolsnan pa nan compronde y atende cu e muchanan miho den klas pa e docente haya miho di nan. E muchanan cu ADHD ta asina special y ta sumamente inteligente. Nos no mester lubida cu ADHD no ta un enfermedad pero e ta un situacion neurologico.
Comunidad di Aruba ta invita pa participa na e seminario internacional di ADHD, pero principalmente mayornan cu tin un yiu cu ADHD, pero tambe docentenan y profesionalnan pa haya sa mas di e metodo nobo cu por atende cu personanan cu ADHD.
E evento lo ta dia 4 y 5 di november 2023 y lo tuma luga den ballroom di Eagle Aruba unda ta bay tin 16 ora di training dos dia consecutivo. Tambe ta bay tin cuminda disponibel pa esunnan cu ta participa. Importante di esaki ta pa abo como ciudadano ta consciente e salud di bo serkeri ta na prome luga cu cualkier otro punto. E invitacion ta pa participa y pa cualkier informacion adicional por yama libremente 7319292 of 7379292 of 5867007
