Vocero di e taxistanan Linda Orman ta contento con e reunion cu minister di transporte Ursel Arends a desaroya. Sinembargo ta expresa cu e reunion a bay na e tono di e minister , pero taxistanan a cambia e musica. E minister a bin cu su wals y taxistanan a cambia esaki na un rumba.
Den e reunion a logra mustra e mandatario riba e puntonan cu no ta bon y cu e ta pasa e leynan cu tin y tambe riba e comision independiente cu e minister kier instala, siendo cu tin un landsbesluitcommesie cu tin tur cos regla den ley caba.
Sinembargo por bisa cu a yega basta cerca di otro, pero no completamente full diacuerdo ainda. Tambe a ricibi 7 punto di minister cu awo lo bay sinta y pasa door di dje hunto cu nan miembronan y abase di e decisionnan lo bay sigui cu e reunion otro siman.
Vocero di e taxistanan Linda Orman ta duna di conoce cu e berdad ta cu ta casi convence minister pa kita e MB nan paso nan ta pasa riba e ley y na mes momento ta sintio cu e disponibilidad tey pa drecha e situacion mirando cu a bin cu algun punto y si taxistanan acepta e puntonan e ora mester dies kita e MB nan y tur cos ta keda resolvi.