Pa cuerpo policial tur cos ta cla for di aña pasa a cuminsa cu e reunionnan hunto cu presidente di SMAC . Vocero di polis Liliana Rasmijn ta indica cu tin 150 polis cu ta riba caminda pa vigila 9 grupo. Polis ta calcula entre 9 pa 10 mil persona riba caya esta participante, personanan cu ta yuda, personanan cu ta bin wak carnaval.
Cuerpo policial ta kere cu ta importante pa Aruba celebra su Carnaval, pero loke ta importante tambe ta pa comporta debidamente, esunnan cu faya ta haya. Importante ta pa tur hende por gosa sanamente durante di e temporada aki.