Diahuebs ultimo den oranan di atardi na TatFat a tuma luga bautismo di uniform nobo di SV. Dakota. Den presencia di propietario di TatFat y presidente di SV. Dakota y e hobennan ta super contento cu nan sponser a sostene y aporta pa SV Dakota tin su uniform nobo pa e siguiente campeonato cu U13 ta participa na dje.
Pa seis aña consecutivo TatFat ta sponser SV Dakota y nan ta un di a sponsernan cu ta hopi fiel na e organisacion y den e ocasion aki asina cu e uniformnan a yega a tuma e decision pa haci e bautismo algo special tanto pa e sponser y e hungadornan cu ta ricibi nan uniform nobo.
E muchanan di U13 ta hunga tur diadomingo y nan ta muchanan entre 12-13 aña y e weganan a cuminsa caba for di luna di september. Tambe U13 ta hungando den liga oro cu ta un pool di 6 team y lo hunga 15 wega y despues di e fase aki si nan logra cay den 4 luga nan lo mester hunga otro tres wega mas pa asina competi pa e final.
TatFat ta orguyoso di e team U13 cu nan ta bataya te na final unda cu nan ta campeon of subcampeon den diferente aña. U13 ta un categoria cu ta competitivo pa AVB mirando cu e grupo aki ta esun cu lo keda traha cu ne pa cu e competencianan den exterior pa cu competencianan mas halto.
Dakota ta gradici TatFat pa nan sosten y yudansa pa sostene e hobennan di U13 di SV Dakota sin sosten di sponser esaki no ta posibel.
