Scol di musica cu ta empodera a cuminsa cu un proyecto bunita unda cu ta empodera e hende muhe pa siña mas di musica. Den e curso aki por siña canta of por toca cualkier instrumento. Importante ta pa e hende muhe descubri su talento. Glenda Zavala cu ta na cabes di Scol di musica cu ta empodera a haya fondonan di “Het Cultuurfonds Caribisch Gebied “ cu por haci posibel e proyecto aki.
Hop biaha e hende muhe ta traha y despues ta bay cas ta sigui traha haci e trabounan di cas y mayoria biaha ta lubida riba nan mes como hende muhe cu tambe por haci actividadnan social pa empodera nan mes.
Un danki na “Het Cultuurfonds Caribisch Gebied “ cu a apoya e proyecto aki. E proyecto mes ta di 4 luna, pero lo cuminsa cu e prome dos lunanan riba educacion basico di musica. Hopi biaha e hende muhe ta pensa cu musica ta pa hende homber , pero e realidad ta musica ta pa nos tur tanto e hende homber y e hende muhe. Tur hende cu tin e deseo y kier haya e guia por toca cualkier instrumento manera cuarta , guitara. Piano , canto y tambe siña compone, ta hermentnan cu lo haya den curso aki.
Segun Glenda Zavala den e proyecto aki ta bay tin profesionalnan den musica cu lo duna e les pa ora Sali for di e proyecto aki e hende muhe por toca un instrumento of lo por canta. Diasabra ultimo e prome les nan a cuminsa pero ainda tin cuponan habri pa cualkier hende muhe cu kier sa mas di musica y tin interes di toca instrumento por inscribi ainda y por participa na e bunita proyecto aki.
Por yama Glenda Zavala libremente na 7405660 y e portanan ta habri.
