Durante un atraco cu a tuma luga diahuebs anochi pa mas of menos 11 or ariba día 7 di augustus, na Cay Bay, St. Maarten, e victima di e atraco a desarma e malhechornan.
E caso aki ta wordo investiga intensivamente pa KPSM ( cuerpo policial di St Maarten). Di acuerdo cu e keho entrega, e incidente a tuma luga despues di 11 di anochi, ora cu sospechosonan a purba atraca e ciudadano pa bay cu su posesionnan y su scooter.
Durante e confrontacion e victima a resisti y a lucha cu e sospechosonan, kitando e arma di candela for di nan. Aunke e atracadonan a perde nan arma, asina mes nan a bay cu e victima su pertenencianan.
Polisnan a recobra e arma di candela cu a wordo confisca y lo wordo procesa pa wak si tin evidencia forensico como parti di e investigacion cu ta tumando luga.
KPSM ta urgi cualkier persona cu por a wak e atraco of tin informacion cu por yuda identifica e sospechosonan, pa duna un man pa soluciona y preveni mas actividad criminal na e isla di St. Maarten.
