St. Maarten Tourism Bureau (STB) ta desea di tuma e oportunidad pa clarifica e mal-concepcion reciente rond di e participacion di influenciadonan di Caribe den un reciente iniciativa di mercadeo como destinacion.
Durante un campaña special di influencia organisa pa STB, varios personalidad Caribense conoci a keda invita pa experencia y presenta St. Maarten su cultura, atraccionnan y hospitalidad unico na nan gran audiencia regional y internacional. Entre nan tabata St. Kitts renombra personalidad di medionan di comunicacion y DJ, Sweet Sister Sensia, cu hunto cu otro influencernan, a hunga un rol principal den promocion di e isla via nan plataforma.
May-Ling Chun, director di Turismo, a papia di e asunto aki, bisando:
Ta importante pa nota cu e influencernan aki a keda reconoce pa nan rol den amplificacion di St. Maarten Pero no a nombra niun di nan oficialmente como embahador di St. Maarten ainda. Na luga di esey, nan a wordo selecta como influencia cultural regional cu a yuda destaca e oferta di e isla dor di nan contenido. E reconocimento di nan esfuersonan no mester ser confundi cu un designacion oficial como
Tambe nos ta compronde y aprecia e peticion di e publico pa reconocemento di talento local den e promocion di nos isla. STB ta keda dedica na destaho e personanan increibel den nos mes comunidad cu ta contribui na St. Maarten su paisahe cultural y turismo. Aunke no por divulga detaye ainda, ta trahando activamente pa formalisa un programa cu lo sigura cu nos embahadornan local lo ricibi e reconocimento y e plataformanan cu nan merece.
St. Maarten Tourism Bureau ta enfatisa cu e iniciativa aki tabata parti di un esfuersonan mas amplio regional pa stimula biahe y intercambio cultural intra-Karibense. St. Maarten ta beneficia di e influencia di creatividad regional y personalidad nan di medio di comunicacion cu ta introduci e experencia rico di e isla na un publico mas amplio.
Nos ta gradici e publico pa nan pasion y compromiso pa sigura cu nos cultura y talento local ta keda na prome luga na St. Maarten su identidad. Corda bon cu nos no ta lubida nos embahadornan local y nos ta trahando pa asegura nan rol den promocion di St. Maarten ta keda fortalece y celebra.
Pa mas informacion y anuncionan oficial, nos ta anima tur hende pa keda conecta na nos canalnan ofisial di comunicacion.