Parlamentario Xiomara Maduro ta indica cu por a tuma nota cu prome minister Mike Eman a papia riba Landspakket cu hopi disgusto. Na mes momento parlamentario Xiomara Maduro ta spera cu prome Minister Mike Eman Realisa cu tur e situacion cu Aruba ta pasando den dje na e momentonan aki ta debi na su propio maneho descabeya di trata cu e finansas publico di Pais Aruba.
Segun Parlamentario Xiomara Maduro ta e propio prome Minister actual Mike Eman a pone Aruba den e supervision cu Hulanda y tur e deficit nan cu Aruba a haya ta causa door di e mal maneho di prome Minister actual Mike Eman.
Tur e debenan cu a keda ocasiona door di AVP a pone cu Aruba no tin un buffer y despues a bin un pandemia unda cu Aruba mester a acudi na Hulanda y cu esaki a bin condicionnan serio mirando tur loke a pasa den gabinete di AVP.
Parlamentario Xiomara Maduro ta spera cu prome Minister Mike Eman realisa cu ta su mes un maneho a hiba Aruba na tur e supervisornan cu Hulanda.