Awe, djamars 28 di òktober, den oranan di mainta, Kuerpo Polisial Hulanda Karibense a tene dos entrada hudisial en konekshon ku un kaso di kiebro ayera, djaluna 27 di òktober den un akomodashon turístiko situá na E.E.G. Bulevar. A tene entrada hudisial na un kas na Kaya Karañito i un kas na Kaya Monseigneur Nieuwindt. Durante e entrada hudisial a konfiská un arma di kandela, kantidat di supstansia probablemente narkótiko i den bisendario di un di e bibiendanan a enkontrá algun artíkulo probablemente prosedente di ladronisia. A detené dos hòmber en konekshon ku e kaso aki; O.F.R.T. di 19 aña di edat i R.M.G. di 20 aña di edat.Investigashon den e kaso ta kontinuá.
Kuerpo Polisial Hulanda Karibense a detené dos hòmber en konekshon ku un kaso di kiebro na akomodashon turístiko
