Aruba ta para den un momento crucial unda cu tin hopi pregunta di kico realmente ta pasando internamente den e gobierno di AVP-FUTURO . Desde cu Minister Gerlien Croes ta den gobierno y a haya puesto di poder e ta destrui cada cos bon y positivo cu Aruba a logra pa aña nan largo. Minister Gerlien Croes a demostra cu e ta demoño mes mes di e gobierno actual.
Desde cu e la sinta paso partido FUTURO ta e yabi cu e tin un poder cu pobermente e mes no por hendel. Tabata bisto un presion desde negociacionnan pa forma gabinete, unda cu casi kier tur cartera di e gobierno tabata un momentonan hopi desagradabel pa traha cu Minister Gerlien Croes. Despues a wordo nombra presidente di parlamento pa un paar di dia unda cu ta e prome traicion a cuminsa di no a yama e reunion pa Aruba no haya e porcentahe halto cu ta pagando actualmente di e debe di COVID. Debi cu Minister Gerlien Croes no a yama e reunion pero kier a dies show cu e la haya e puesto di presidente di parlamento pa algun dia awe Aruba ta pagando e porcentahe di mas halto di e debe di COVID, esaki ta un di e prome traicion nan y mal echo cu e politico destructivo y mente di malicia di Gerlien Croes a haci cu Aruba.
Despues pa a show y sinti e dushi di e poder cu e no por hendel , Minister Gerlien Croes a bringa cu henter AVP pa haya casi tur cartera y hasta por poco tabata kier a bira prome minister di Aruba, faltando Mike Eman respet y henter Aruba, aki ta mira e mente destructivo di e politico aki Gerlien Croes cu ta yama su mes “ politica nobo “ pero enrealidad politica nobo pa bon ? mas bien politica destructivo di Pais Aruba.
Despues di luna nan cu e gabinete no a forma paso e sumpiña cu veneno di minister Gerlien Croes cu ta cana hinca tur caminda paso e minister di “Lange Tenen “ cu ta haragan y kier tur cartera bou di su brasa pa e logra su meta pa kibra Aruba y pone Aruba bou di Hulanda y traiciona henter un pueblo. Sinembargo tanto Mike Eman y Geoffrey Wever tambe ta complice y no ta pone un paro na e menta diabolico di Minister Gerlien Croes.
Banda di esaki pa e por logra su meta pa caba di destrui Aruba , e minister “met Lange Tenen” Gerlien Croes ta pone ordo pa no nombra un minister plenipotenciario na Hulanda,algo contra di ley y contra di statuto di Reino Hulandes. Sinembargo lo ta bon pa check si tur e actonan aki cu minister Gerlien Croes ta haci Aruba por pone para personalmente responsabel pa e daño inmenso cu e ta ocasiona Pais Aruba ?
Banda di esaki Minister Gerlien Croes ta duna su mes un titulo di Minister di relacionnan di Reino , un cartera cu NO ta existi, no ta legal y e ta gaña gobierno di Hulanda y ta bay namens minister di Relacionnan di Reino siendo e no tin e posicion aki legalmente. Aki ta mira claramente e mente e maldad di e politico bunita di pafo y un alma preto di paden cu e meta pa destrui un Pais su status y su identidad.
Minister Gerlien Croes no kier nomber ningun minister Plenipotenciario paso e mes kier e cartera y e mes kier atende cu e reunionnan den Rijksminister Raad RMR pa e logra su meta y tin e caminda liber pa e horca Aruba manera e maldad cu e tin pa crucifica y haci e maldad cu henter un pueblo. Banda di esaki ta bula pa Hulanda 1 of 2 dia dies pa asisti Rijksminister Raad cu un puesto cu e mes a traha cu no ta oficial y no ta legal. Practicamente Hulanda mester core cu Minister Gerlien Croes for di Rijksminister Raad cu no tin e autorisacion legalmente pa atende cu RMR. Banda di esaki ta importante pa haci un tes psicologico cu minister Gerlien Croes si e ta apto pa ta un minister si realmente e tin su cabes na su luga pa kibra y destrui tanto asina, paso sino Aruba tin un loco como minister mirando tur e desicionnan sin pensa, contra di ley y contra di statuto di di Pais Aruba.
analisis