Parlamentario Shailiny Tromp Lee tabata presente na e invitacion di Parlamento Hubenil na YMCE Dakota, esaki ta un di e instancianan cu semper parlamentario Lee a brinda sosten y hasta tin un yiu muhe cu tin tres anja cu ta forma parti di Parlamento Hubenil.
Parlamento Hubenil ta un fundacion cu ta duna un formacion special na formacion di nos hobennan y por mira e refleho aki den su propio yiu unda cu a siña hopi y a crece como persona y ta vocifera su opinion y sa cu su voz merece di keda scucha. Pa parlamentario Shailiny Tromp Lee esaki nan ta e partinan sigur pa aprecia di loke ta wordo duna na e muchanan cu ta forma parti di Parlamento di Hubenil.
Diabierna ultimo Parlamento Hubenil a dicidi di duna e fecha special di Derecho di Mucha un atencion y e ta na su luga mirando cu e mayornan tambe mester ta consciente cu e muchanan tin nan derecho, pero con por sigui traha y haci mas cu ta posibel cu nan voz berdad ta haya un luga den e direccion cu ta fiha pa bay cu nos Pais Aruba.
Sinembargo no mester kita afo cu nos hobennan tin hopi idea y hopi deseo y mester duna nan e atencion debi cu e Aruba di awe ta pa nan mañan. Mas nos involucra e hobennan mas nan ta forma parti di con politiconan ta crea maneho pa Pais Aruba y con ta e miho Aruba lo ta pa nan mañan pa nan mes pero tambe pa nan yiunan.
Parlamentario Shailiny Tromp Lee ta kere cu Parlamento Hubenil ta bin ta haci un bon trabou den e tereno aki , pero sin kita afo departamento di Asuntonan Social. Sinembargo parlamentario Lee ta kere cu mas mayor mester keda involucra y intensiva nan yiunan pa participa na Parlamento Hubenil. Parlamento Hubenil ta traha hopi riba e formacion di e mucha , pero si nan no yega nan no por participa of haya e tools nan necesario pa nan ta hobennan exitoso y cu ta mas sigur di nan mes y para pa nan mes.
Parlamentario Shailiny Tromp Lee ta motiva tur mayor pa nan laga nan yiu forma parti di Parlamento Hubenil y sa cu Parlamento Hubenil no ta un instancia cu ta dirigi su mes den e parti di politica, pero e ta mas pa duna formacion na e hoben por bira lider nan di mañan den diferente tereno. Algun ehempel cu tin ta cu ta siña e muchanan con pa bisti pa ki ocasion, kico ta significa protocol, con pa papia, con pa atende den grupo, herarkia di structura, sa ken ta ken, con pa atende den diferente grupo. Cada mucha cu participa na Parlamento Hubenil beneficio so por saca for di dje.
