Den un articulo cu a Sali den “ The Peoples Tribune “ ta indica un encuesta di opinion pa 2025, presenta na University of St. Martin, ta mustra cu 40.1 porciento di e participante den Hulanda Europeano ta kere quo e islanan Caribeño mester bira completamente independiente. 20.1 porciento ta contra, y 38.5 porciento no sa of no tin un opinion. E resultado nan a ser presenta durante un presentacion publico na USM pa politologo Wouter Veenendaal y ta duna un bista nobo riba con votanten Hulandes ta mira futuro di Reino Hulandes y su partnernan Caribense.
E studio a wordo haci cu LISS-panel di Universidad di Tilburg, uza un cuestionario online hopi amplio. Di 3,657 persona invita, 2,843 a yena e encuesta, un respuesta di cerca 78 porciento. E studio ta wak con hende den Hulanda ta mira Aruba, Corsou, Sint Maarten, mescos cu Bonaire, Saba y Sint Eustatius, y e ta compara resultado cu encuestanan mas bieu di 2008 y 2015 di Maurice de Hond.
Den 2008, 49 porciento ta kere cu e relacion mester caba, den 2015, 61 porciento a kere cu Hulanda mester termina e laso si tin tur cos di mal administracion financiero y fraude.
E tres pregunta principal den nobo encuesta:
1. E relacion politico actual den Reino mester keda mescos.
2. E islanan Caribeño mester bira un provincia di Hulanda.
3. E islanan mester bira total independiente.
Resultadonan principal:
Status uno:
32.6% ta a fabor; 20.3% ta contra; 45.8% no sa.
Provincia Hulandes:
Solamente 13.4% ta a fabor. 46% ta contra. 39.1% no tin opinion.
Independencia total:
40.1% ta a fabor; 20.1% ta contra; 38.5% no sa.
Independencia ta e opcion cu tin e mayor sosten den Hulanda, aunke mucho hende ta indeciso.
Aki otro temanan cu e encuesta a mira tambe:
• Si Hulanda mester sigui duna sosten financiero.
• Si hende for di e islanan mester por bay biba na Hulanda sin restriccion.
• Si Hulandes cu ta biba na Aruba, Corsou y Sint Maarten mester por vota pa Parlamento
Hulandes.
• Si residente di BES-islanan mester haña mes cos cu hende den Hulanda Europeano.
• Obligacion moral di Hulanda pa e islanan.
• Si scol Hulandes mester siña mas tocante Reino Hulandes.
Diferencia politico:
Simpatidornan di algun partido (por ehempel PVV, FvD) ta mas stricto riba sosten financiero y migracion.
Otro partido (GL-PvdA, D66, CDA, SP, CU) ta mas a fabor pa trata BES-islanan igual na nivel social.
Conclusion:
Dato nobo ta mustra un tendencia: mas sosten pa independencia ta crece, pero hopi duda y insiguridad ta keda. Pa Sint Maarten y e otro islanan, e actitud mixto den Hulanda lo tin hopi peso den discusionnan futuro riba autonomia of independencia.
https://www.thepeoplestribunesxm.com/articles/new-dutch-survey-shows-strongest-support-for-full-islands-independence-but-high-uncertainty-remains