HulandaFeaturedInternacional

Tui ta sigui invertí den islanan ABC: 14 buelo pa siman i mas buelo sin stòp 

Tui Ta Sigui Inverti Den Islanan Abc 14 Buelo Pa Siman I Mas Buelo Sin Stop 

E islanan ABC sin kita sin pone ta popular bou di turistanan Hulandes. Esaki ta motibu pa TUI fly sigui invertí den buelonan pa e teritorio di Caribe. E próksimo wenter e aerolinía lo bula 14 biaha for di Schiphol pa e islanan ABC, dos biaha pa dia pa Kòrsou, sinku biaha pa siman pa Boneiru i tres biaha pa siman pa Aruba.

Rick van der Pluijm, Head of TUI Dutch Caribbean: “Ta tremendo ku nos tin dos buelo pa dia pa Kòrsou e wenter aki. Huntu ku e buelonan pa Aruba i Boneiru, esaki ta duna turistanan, pero tambe e hendenan na e islanan ABC, un gran variedat di buelo di i pa Amsterdam, kaminda lo bo por bula tambe pa tur e tres islanan sin stòp. Mi ta sigur ku nos ta hasi hopi hende kontentu”.

14 buelo pa siman
E próksimo wenter TUI lo bula dos biaha pa dia pa Kòrsou, lo por bula tur dia sin stòp, tantu pa ida i buelta. Lo bula sinku biaha pa siman pa Boneiru e temporada di wenter aki, tur dia di siman, ku eksepshon di djaweps i djadumingu. E buelonan ta planiá di tal manera ku pasaheronan por bula tres biaha pa siman sin stòp pa Boneiru i dos biaha pa siman sin stòp pa Amsterdam. Lo bula Aruba tres biaha pa siman. Riba djaluna, djaweps i djadumingu i semper den kombinashon ku Kòrsou. Aki tambe por bula sin stòp tantu riba e buelo di ida i buelta.

Crew di kabina ampliá
Pa por realisá tur e buelonan, TUI a reklutá 18 crew di kabina lokal nobo na Kòrsou. Banda di Hulandes nan tur ta papia Papiamentu tambe. Ku e koleganan nobo aki, TUI tin awor un grupo di mas o ménos 60 crew di kabina lokal ku por wòrdu usá spesialmente riba e ruta pa i for di e islanan ABC.

Dreamliner
E buelonan ta wòrdu hasí ku un Boeing 787 Dreamliner di TUI fly. Den e avion aki por reservá tres sekshon diferente: Economy, Comfort i Deluxe. Entretantu mayoria akomodashon pa e temporada di wenter ta disponibel pa kompra. I e luna aki e oferta pa zomer 2024 lo ta disponibel. Tambe pasashinan lòs pa e periodo di wenter ta disponibel kaba pa kompra.

Related posts

Mas di 70% di nos muchanan ta bay Mavo of mas abao

EA News Author

Logronan den Prome aña di Ministerio di enseñansa y deporte

EA News Author

DVG ta manda un alerta Pa e grupo di risico mas grandi segun informacion internacional

EA News Author

1 comment

Leave a Comment

Whatsapp Message