Parlamentario Xiomara Maduro a expresa fuerte critica pa gobierno di coalicion AVP‑FUTURO, señalando cu e gobierno ainda no a publica e cifra financiero corespondiente na ultimo kwartaal di 2025.
Maduro enfatisa cu durante tempo cu e tabata den gobierno, principalmente minister Gerlien Croes, nan a haci critica ora e tabata enfrenta atraso den publicacion di cifra financiero. Sinembargo, segun Maduro, e situacion actual ta pio, ya cu e cifra no a wordo publica na tempo stipula.
“Mi ta puntra kico ta e motibo pa e gobierno ta tene henter un pais den scuridad riba e estado financiero si nos no ta haña e cifra oficial?,” Maduro a declara, pidiendo mas transparencia y responsabilidad den maneho di finansas publico ta primordial.