Un discusion politico nobo a surgi rond di e legalidad di cambio di carteranan dentro di Gobierno di Aruba. Segun informacion cu a yega na mesa di redaccion, e Landsbesluit Inrichting Ministeries (LIM), cu ta regula con carteranan ministerial ta wordo distribui,y cu e gobienro actual a hinke den e presupuesto ainda no a wordo firma door di Gobernador ni aproba oficialmente den Parlamento di Aruba na e manera cu a changa parlamento , pero mester a pasa e presupuesto y parlamento mester a vota pa e presupuesto di Pais Aruba, pero no ta diacuerdo cu e LIM den e presupuesto.
Segun e informacion ricibi, te na e momento cu e procedimiento legal aki no ta completa, e cambionan di cartera cu Gobierno di coalicion AVP–FUTURO a introduci no ta considera oficialmente den vigor.
Debate riba cartera di Relacionnan di Reino
Un di e puntonan central den e discusion ta e rol di Minister Gerlien Croes den materia di Relacionnan di Reino. Segun interpretacionnan legal cu ta circula den circulonan politico, e cartera di Relacionnan di Reino tradicionalmente ta liga directamente na e oficina di Prome Minister di Aruba.
Esaki kiermen cu, pa un otro minister fungi formalmente den e rol aki, mester tin cambionan legal adicional y, den algun caso, autorisacion directo di Prome Minister.
Criticonan ta indica cu sin e paso legalnan necesario incluyendo aprobacion di Parlamento y firma di Gobernador un cambio di cartera no por wordo considera plenamente legal segun e Statuto y reglamentonan vigente di Pais Aruba.
Espera riba opinion di Raad van Advies
E situacion ta bira mas relevante paso cu ainda ta pendiente un opinion formal di Raad van Advies riba e LIM. Anteriormente, segun informacion publico, e organismo asesor ya a expresa preocupacion riba con e cambionan di cartera a wordo plantea.
Segun e conseho preliminar, e structuracion nobo di algun ministerionan posiblemente no ta e opcion mas Apropia segun e analisis legal.
Preguntanan riba cumplimiento di ley
Criticonan politico ta puntra si gobierno ta sigui tur procedemento legal y institucional necesario. E debate aki ta central riba si e decisionnan actual ta respeta ley, regla y e Statuto di Pais Aruba.
Ademas, ta surgi preguntanan si partnernan den Hulanda ta na altura di e situacion y di e posibel implicacionnan institucional di e cambionan aki.
Un aña di gobierno bou di lupa
Gobierno di coalicion AVP–FUTURO a cumpli aproximadamente un aña na mando. Mientras partidonan di gobierno ta pone enfasis riba progreso y stabilidad economico, criticonan ta describi e periodo aki como uno di tension politico y cuestionnan institucional.
E discusion riba e LIM, e restructuracion di carteranan ministerial y e rol di diferente minister ta sigui domina debate politico actual. Observadornan ta spera cu e opinion final di Raad van Advies lo aporta mas claridad riba e legalidad y e paso siguiente cu gobierno lo mester tuma.
Te na e momentonan aki e LIM di e gobienro anterior ta na vigor, gobienro di AVP –FUTURO tin un anja di gobernacion ni e LIM nan no por a yega na otro y ta traha y haci comosifuera nada no a pasa y ta duna nan mes titulo cu legalmente no pr carga esaki.Hulanda ta na Altura di e posicion cosmetico aki ? Si no a cambia e LIM esaki ta significa cu Minister Gerlien Croes no tin e poder di yama su mes minister di relacionnan di Reino. E pregunta ta keda nos tin un Gobienro cu ta trahando completamente contra ley ?