E delegacion di SER tabata consisti di Harlec Doran (Presidente), Judensy Coffie (Vice-Presidente), Leonie Bryson (Miembro di Directiva), Ing. Drs. Sharon Arnell (Secretario General Suplente / Advisor di Maneho Senior), y Gerard Richardson (Secretario General). Representando e Gabinete tabata Drs. Prakaash Rostam, Advisor Economico Senior.
Despues di un introduccion extenso di e participantenan y e rol nan respectivo di tanto e Gabinete como SER Sint Maarten, a discuti varios topico clave. Central den e reunion tabata e productonan di maneho y e consehonan emiti pa SER, incluyendo e estado di consehonan cu ta andando y esnan cu ya a wordo finalisa.
A dedica atencion special na e Ley di Acceso Sostenibel y Pagabel na Cuido di Salud (SAAHA) y su relevancia pa e desaroyo social y economico di Sint Maarten a largo plaso.
Minister Arrindell a expresa su aprecio pa e compromiso, profesionalismo, y e contribucionnan substantivo di SER Sint Maarten, reconociendo e rol importante di dialogo social y conseho basa riba evidencia den e creacion di maneho nacional.
E Gabinete tambe a comparti informacion riba e progreso cu a wordo alcansa te cu awor, mientras a papia sinceramente tocante e desafionan existente y e cambionan necesario den e enfoke pa por entrega resultadonan efectivo. A pone hopi énfasis riba e responsabilidad comparti pa sigura cu e pueblo di Sint Maarten ta beneficia di resultadonan mas tangible y visibel cu ta bini for di e esfuersonan di institucionnan publico y organonan consultativo.
Den e contexto aki, SER Sint Maarten a subraya e importancia di cumplimento fiscal como un condicion critico pa mantene un balansa sostenibel entre bienestar social, stabilidad economico, y e bienestar general.
Ademas, e Gabinete a duna actualisacionnan relevante riba plataformanan actual y desaroyonan internacional, incluyendo iniciativanan Europeo relaciona cu inversion cu ta di interes pa Sint Maarten.
Tur dos partido a acorda riba e importancia di un colaboracion continuo, caminda e Gabinete a reafirma su boluntad pa apoya SER Sint Maarten caminda ta necesario den e proceso di conseho economico y den e construccion di asociacionnan (partnerships) strategico den Europa.
E reunion a conclui cu un compromiso comparti pa fortalece cooperacion, aumenta e impacto di maneho, y traha hunto pa un desaroyo sostenibel y inclusivo pa Sint Maarten.
