Durante e reunion di Konseho Insular (di toma di desishon) riba djaweps 2
di aprel 2026, sra. Jennifer Mohamedjoenoes na nòmber di UPB, sr. Joselito Statia na
nòmber di MPB i sr. Timoteo Silberie na nòmber di frakshon Serberie a huramentá
ofisialmente komo diputado insular pa Boneiru. Ku nombramentu di e diputadonan
nobo, Kolegio Ehekutivo ta kompleto atrobe.
Despues di e huramentashon ofisial, den presensia di nan famia i hopi invitado, e
diputadonan a ekspresá nan gratitut i nan ambishon. Konseho Insular a ekspresá su
apresio pa e diputadonan nobo i a deseá nan hopi éksito den e periodo binidero.
Repartishon di kartera ta sigui dentro di poko
Durante e próksimo reunion di Kolegio Ehekutivo ta stipulá repartishon di kartera di e
Kolegio Ehekutivo nobo i lo anunsiá esaki mesora.
