Nos a tuma nota di e noticia tristo di e fayecemento inespera di Chandrikapersad Santokhi, ex-Presidente di Suriname. Na nomber di pueblo di Bonaire y e Bonaire Human Rights Organization, nos ta extende nos mas profundo condolencia na Gobierno y pueblo di Suriname, como tambe na su famia y sernan keri.
Nos tabatin e honor di topa cu e estadista distingui aki pa prome biaha na aña 2018 na Paramaribo, durante su periodo como lider di oposicion, y atrobe na 2022 na Paramaribo, ora el a sirbi como Presidente di Suriname y Presidente di CARICOM durante e di 43 Reunion di Conferencia di Hefenan di Gobierno. E ora ey el a ricibi nos cu hopi cordialidad y a presta atencion serio na e caso di Bonaire. Nos ta recorda tambe nos encuentro reciente durante e Reunion di Hefenan di Gobierno di CARICOM na 2025 na Bridgetown, loke ta demostra su compromiso continuo cu dialogo regional y solidaridad.
Presidente Santokhi lo keda den nos memoria pa su compromiso firme y dedicacion, su contribucion na fortalecimento di democracia, y su vision fuerte pa cu e derechonan y dignidad di pueblo di Suriname.
Den e tempo di perdida profundo aki, nos ta para den solidaridad cu Gobierno y pueblo di Suriname, y cu su famia y sernan keri.
James Finies Davika Bissessar Shaw
