Cas di Cultura ta anuncia cu orguyo e regreso di
Battle of the Bands (BOTB) 2026, markando e di tres edicion di e competencia di musica bibo.
E aña aki, e evento ta amplia su alcance door di yama bon bini na bandanan amateur di tur
edad, creando un plataforma inclusivo pa tanto talento musical.
Battle of the Bands a wordo crea pa stimula y sostene e escena di musica rock lokal, ofreciendo
musiconan un plataforma hopi necesario pa presenta y crece. Cu oportunidadnan limita riba e
isla pa bandanan y fanaticonan di generonan di rock y alternativo bini hunto, BOTB tin como
meta pa crea un espacio caminda e estilo di musica aki por wordo demostra bibo.
E evento lo consisti di eventonan preliminar cu lo culmina cu un Gran Final dia 29 di mei,
caminda e miho bandanan lo competi pa e titulo final. E banda ganador lo ricibi un premio
grandi di Afl. 5000, huntu cu un video musical profecional produci pa The Music Hub.
Fuera di e competencia, BOTB 2026 tambe ta ofrece e publico un chens pa experencia musica
rock bibo y musica contemporaneo den un ambiente energetico. E evento ta sigui construi un
espacio unda tanto artistanan como amantenan di musica por bini hunto pa celebra Aruba su
zonido diverso y evolucionando.
Inscripcion di banda ta habri actualmente, y ta encurasha gruponan interesa pa inscribi a traves
di e canalnan oficial di Cas di Cultura.
Pa mas informacion y detaye di inscripcion por sigui Cas di Cultura riba medionan social of
bishita nan website oficial.
Battle of the Bands 2026 ta Bolbe pa Pone Spotlight Riba Talento di Rock Lokal
