Oficina di Maneho di Desaster (ODM), parti di Ministerio di Asunto General, ta hici un yamada riba contratistanan, constructornan, desaroyadornan, y compañianan di coba truck y excavacion pa asegura cu nan tin plannan integral structuralmente prepara pa storm y herican cla pa e Temporada di Herican di Atlantico 2026.
E prome storm cu nomber di e temporada, Arthur, a forma diaranson cerca di e costanan di e estado Mericano di Texas, sinembargo for di e tempo ey el a debilita y disparce.
Cumpliendo cu e actividadnan di construccion cu ta tumando luga den henter e pais, ODM ta enfatisa e importancia di asegura e sitioran di construccion y materialnan di construccion prome cu cualkier menasa di storm tropical of herican. Material di construccion, equipo, y debrislan di construccion cu laga bota sin wordu asegura por representa risconan significante pa siguridad publico y propiedadnan durante condicionnan di tempo severo.
Ta recorda contratistanan y manehadornan di sitio cu tur tereno di construccion, coba truck, y excavacion mester tin e capacidad di wordu asegura dentro di 48 ora despues di un aviso of menasa di storm tropical of herican. Planificacion adelanta ta esencial pa asegura cu por tuma accionnan apropia rapidamente ora cu emití alerta of aviso.
Materialnan di construccion manera plywood, plachinan di zinc, shingles, palo, scaffolding (steiger), y otro articulonan los por transforma den proyectilnan peligroso den aire durante bientonan fuerte. E materialnan aki tin e potencial di causa daño extenso na casnan, negosio, vehiculo, y infraestructura critico, mientras nan ta representa tambe un menasa serio pa bida y siguridad.
ODM ta urgi tur supervisor di sitio di construccion, foreman, y manehador di proyecto pa revisa nan proceduranan di preparacion pa herican y asegura cu henter e personal ta comprende nan responsabilidadnan den caso di tempo severo. Plannan di preparacion mester aplica pa proyectonan di tur tamaño, for di casnan residencial te cu desaroyonan comercial grandi.
Como un practica standard durante e temporada di herican, mester mantene sitioran di construccion organisa y liber di debrislan inofensivo. Ta encurasha contratistanan pa regla e eliminacion oportuno di materialnan bota, manera plachinan di zinc bieu, palo, y otro productonan di desperdicio, limitando e cantidad di suministro di construccion almacena riba e sitio na solamente lo cual ta necesario pa operacionnan inmediato. Equipo y maquinaria di construccion mester wordu asegura debidamente tambe.
ODM ta conseha ademas cu mester pospone cualkier entrega planea di material di construccion si ta pronostica cu un storm tropical of herican lo afecta Sint Maarten dentro di 48 ora. Una bes cu un alerta di storm tropical of herican wordu emiti, contratistanan mester cuminsa implementa medidanan di siguridad na e sitio, incluyendo e kitamento of aseguramento di scaffolding, materialnan di construccion, herment, y equipo. Cranes (grua) y otro maquinaria pisá mester wordu asegura conforme e proceduranan di siguridad estableci.
Mester notifica subcontratistanan tambe di nan responsabilidadnan pa asegura of kita nan propio material y equipo for di e sitioran di proyecto. Actividadnan di trabou cu por sufri daño debi na condicionnan di tempo adverso, manera instalacion di bintana, landscaping (asunto di hardin), of aplicacion di house wrap (capa isolante pa cas), mester wordu suspendi. En bes di esey, mester duna prioridad na tareanan cu ta reduci risconan relaciona cu storm, incluyendo trabou di concreto, sera structuranan, y yena excavacionnan habri caminda esey ta factibel.
ODM ta conseha contratistanan pa no tarda cu preparacionnan te na e ultimo momento. Una bes cu un alerta di storm tropical of herican wordu emiti, mester realisa inspeccionnan di sitio mesora pa identifica y atende hazardnan potencial. Accion trempan ta permiti contratistanan y empleadonan suficiente tempo pa asegura nan mesun cas y haci e ultimo preparacionnan personal pa herican pa nan famia.
Despues di e paso di un storm of herican, contratistanan y constructornan debi por bolbe na e sitioran di proyecto solamente despues cu e Centro di Operacion di Emergencia (EOC), bou di direccion di Prome Minister di Sint Maarten, a emiti e “All Clear” (tur cos cla) oficial. Na e momento ey, evaluacionnan di daño y actividadnan di limpiesa por cuminsa conforme e guianan di siguridad.
Oficina di Maneho di Desaster ta enfatisa cu preparacion pa herican ta un responsabilidad comparti. Planificacion proactivo y accion oportuno door di e sektor di construccion por reduci significativamente e daño relaciona cu storm y contribui na e siguridad y resiliencia di e comunidad durante e Temporada di Herican di Atlantico 2026.
Ta urgi comunidad pa siña mas riba e peligronan di herican y e recursonan cu bo tin mester riba con pa prepara bo famia, cas, of negosio pa un impacto di storm/herican door di bishita e website di Gobierno: www.sintmaartengov.org/hurricane caminda bo lo por download bo “Hurricane Season Readiness Guide” y “Hurricane Tracking Chart.” E informacion aki ta balioso tambe pa residentenan nobo.
Scucha e stacion di Radio di Gobierno SXMGOV – 107.9FM – pa informacion y noticianan oficial prome, durante y despues di un herican. Bo por sigui tambe noticianan y informacion relaciona cu tempo, como tambe discursonan nacional door di Prome Minister, presidente di e Centro di Operacion di Emergencia (EOC) door di bay na e pagina di Facebook @SXMGOV.
Pa informacion oficial relaciona cu tempo, check e website di Departamento Meteorologico di St. Maarten (MDS): www.meteosxm.com of bishita nan pagina di social media Facebook.com/sxmweather/
Corda, ta basta un solo herican pa haci’e un malo temporada. Sea prepara!