Debi na motibonan cu ainda no ta conoci, na St Maarten un cantidad grandi di pisca a ser haya morto den e canal cu ta conecta Fresh Pond y Great Salt Pond, cerca di e rotonde di Illidge Road. E calor y solo directo ta acelerando e proceso di putrefaccion y esaki ta produciendo un holo hopi desagradabel. Gobierno ta haciendo tur lo posibel pa retira e piscanan morto lo mas lihe posibel y deshaci di nan di un manera adecua. Nos ta pidi e publico pa nan comprension den e situacion aki y cooperacion continuo den e asuntonan aki.
Dicho esey, nos ta emiti un alerta na publico cu cualkier pisca recupera for di e sitio aki, sea morto of bibo, por constitui un riesgo serio pa salud di humano y animalnan. E Inspectie di VSA y su departamento di Seguridad Alimentario, ta conseha tur hende fortemente pa abstene di consume pisca di e sitio aki. Nos ta recomenda tur hende pa cumpra pisca solamente na e puntonan di benta estableci, caminda cu e controlnan regular y acepta pa e Inspectie a tuma luga, y e seguridad di e pisca ta garantisa.
