Transparencia y cumplimento cu leynan di bon gobernacion ta bao di scrutinio na Aruba, despues cu Parlamentario Rocco Tjon a lanta voz contra Minister Gerlien Croes (encarga cu Enseñansa, y cu cartera di Relacionnan di Reino). E acusacionnan ta enfoca riba e uzo di fondo publico pa biahe den jet priva y cuestionnan rond di e legalidad di su cartera y decisionnan administrativo, sinta na mesa ta negosha cu un titulo di relacionnan di Reino cu enrealidad e no tin autorisacion y base legal pa uza.
E Caso di Jet Priva y e Conseho di LAR Reteniendo
Entrega di Conseho: Dia 10 di juli 2026, e Bezwaaradviescommissie LAR (Landsverordening administratieve rechtspraak) a entrega su conseho oficial na e Minister relaciona cu un obhecion presenta dia 30 di maart 2026.
Falta di Cumplimento: Maske a pasa mas di 10 dia for di e entrega oficial, e Minister te cu awe no a comparti ni publica e copia di e conseho aki cu e partidonan concerni y pueblo.
Obligacion Legal: Segun e comision, e bestuursorgaan tin seis siman pa tuma un decision riba e bezwaar, pero e obligacion constitucional y legal pa duna informacion na Parlamento y pueblo ta exigi transparencia inmediato cu e conseho oficial di LAR.
E Posicion Politico y e Landsverordening Instelling Ministerie, LIM
Ademas di e controversia rond di e jet priva, tin cuestionamento serio tocante e validez di
su cartera como Minister di Relacionnan di Reino:
Posicion Falso na Mesa cu Hulanda: Tin señalamiento cu e Minister gerlien Croes ta sinta na mesa cu gobernantenan di Hulanda cu un posicion politico cu ta wordo considera iregular, dor cu e Landsverordening Instelling Ministerie, LIM
y e leynan relevante no a wordo cambia pa formalisa e separacion of e cambio di e cartera aki bou di Prome Minister.
Violacion di Ley y Regla: E echo cu e cambionan structural den leynan di Pais Aruba no a tuma luga ta pone ehecucion di e cartera aki den un zona cinfuso, ta bisto cu reglanan di gobernacion ta wordo viola repetidamente.