E Conferencia Permanente di Partidonan Politico di America Latina y Caribe (COPPPAL) ta expresa su condenacion mas firme na e expresionnan di presidente Daniel Ortega pa impedi e celebracion di eleccionnan nobo cu ta permiti e pueblo nicaraguense pa eligi di manera liber, mediante voto, nan gobernantenan.
COPPPAL ta ratifica cu e boluntad popular expresa den urnanan ta e pilar fundamental di cualkier sistema democratico, pa cual ta exhorta e Estado nicaraguense pa convoca, conforme loke e ley ta establece, na un proceso di eleccionnan general transparente y plural, unda e oposicion y su candidatonan tin garantia di un participacion sigur den condicionnan di equidad, cu plena certeza huridico y bou di e escrutinio di observacion internacional independiente.
E Conferencia Permanente di Partidonan Politico di America Latina y Caribe, fiel na su principianan fundacional y su compromiso historico cu e defensa di democracia, pluralismo politico, Estado di derecho y e respeto irrestricto na e boluntad soberano di e pueblonan, ta expresa su preocupacion mas profundo y su rechas mas energico ante e anuncio formula pa Gobierno di Republica di Nicaragua pa elimina e procesonan electoral como mecanismo di acceso y alternancia den ehercicio di poder.
José Eduardo Martell, vicepresidente pa region Centroamerica di COPPPAL, a bisa cu celebracion di eleccionnan liber, periodico, autentico y competitivo ta constitui un principio esencial di tur democracia. E derecho di e pueblonan pa eligi nan gobernantenan di manera liber no por wordu sustitui ni limita, bou ningun excusa, pa ningun decision di poder politico.
El a señala cu COPPPAL, desde su fundacion, a sostene cu democracia, e respeto pa derechonan humano, fortificacion di partidonan politico y participacion ciudadana ta constitui pilarnan irrenunciabel. E principianan aki, reafirma den su documentonan programatico y su Agenda Strategico, ta obliga pa expresa cu claridad e rechas frente na cualkier decision cu ta implica un retroceso democratico.
El a manifesta cu supresion di e procesonan electoral ta representa un precedente hopi grave pa e region y ta contradici e valornan democratico cu ta inspira e integracion politico latinoamericano y caribenjo. Ningun proyecto politico por situa su mes riba e derecho soberano di e ciudadanonan pa duna direccion na nan paisnan periodicamente, mediante voto liber.
Consecuentemente, el a puntualisa cu COPPPAL:
Ta expresa su rechas mas firme na e anuncio di elimina e procesonan electoral den Republica di Nicaragua.
Ta exhorta e Estado nicaraguense pa preserva plenamente e derechonan politico di su pueblo y garantiza ehercicio di sufregio como fundamento di tur democracia.
Ta reafirma su compromiso cu defensa di democracia representativo, pluralismo politico, alternancia den poder y Estado di derecho como principianan irrenunciabel di nos organisacion.
Historia latinoamericano a demostra cu democracia porfortifica su mes solamente ora e ciudadanonan ta conserva e derecho inalienabel pa dicidi nan destino liberamente mediante eleccionnan autentico. COPPPAL lo mantene su compromiso firme cu defensa di e principio ey, esencial pa convivencia democratico na America Latina y Caribe.