Awe, dialuna 17 di augustus 2026, Fundacion Cas Pa Comunidad Arubano (FCCA) a duna inicio oficial na su campaña nobo titula “Yabi di Bo Man”. E plataforma online a keda habri pa publico awe mainta pa 9:00 AM, marcando un paso importante pa hopi ciudadano cu ta soña cu bira doño di cas.
Cu e campaña aki, FCCA ta realisá un recorido informativo pa conscientisa comunidad y yuda ciudadano prepara tur e documentacion necesario prome cu haci e upload den sistema. E meta principal ta pa guia interesadonan paso pa paso den e proceso di aplicacion.
Pa por cualifica pa e finansiamento y carga e hipoteca debidamente, e solicitantenan mester cumpli cu cierto condicionnan stablishi:
• Documentacion Completo: Mester tin tur e documentonan financiero y personal importante cla.
• Screening Obligatorio: Tur candidato lo pasa door di un proceso di screening cu ta forma parti di e procedura normativo pa otorgamento di hipoteca.
• Criterio di Residencia: E hipoteca ta exklsivamente pa residentenan di Aruba cu ta inscribi na pais Aruba y cu ta biba riba e isla pa un periodo di 10 aña o mas.
E iniciativa aki ta nace di e compromiso continuo di FCCA pa fungi como un solucion posibel pa e retonan di vivienda cu hopi ciudadano ta enfrenta. E fundacion ta busca di e forma aki pa habri porta pa mas famia Arubano por logra un hogar propio.
E peticionnan cu drenta lo wordo evalua estrictamente den orden di yegada (prome veni, prome atendi), caminda lo verifica si e persona ta cualifica financieramente pa por carga e prestamo hipotecario responsabelmente.
Interesadonan por bishita e plataformanan digital di FCCA pa cuminsa cu nan registro awo mes.