BonaireFeaturedInternacional

A sigurá finansiamentu di Union Oropeo pa un mihó maneho di awa den Parke Nashonal Washington Slagbaai

A Sigura Finansiamentu Di Union Oropeo Pa Un Miho Maneho Di Awa Den Parke Nashonal Washington Slagbaai

E programa di Green Overseas (GO) ta finansiá proyektonan ku tin komo meta pa fortifiká e resiliensia di klima di e teritorionan ultramar di Oropa. E programa a kaba di otorgá fondo na STINAPA di Boneiru pa desaroyo di plan di maneho di awa pa Parke Nashonal Washington Slagbaai.  

STINAPA, entidat públiko Boneiru i GO dentro di poko lo kontratá ekspertonan riba tereno di maneho di awa pa kolekshoná informashon, konsultá ku stakeholder i desaroyá un plan sostenibel di maneho di awa pa e parke, den kua ta deskribí kon por redusí eroshon i inundashon, kon por kohe awa dushi i warda esaki i kon por minimalisá e kantidat di awa dushi ku ta kore bai den Parke Nashonal Marino Boneiru. E plan di maneho di awa lo duna STINAPA sosten ku protekshon di e refnan di koral ku ta rondoná e parke i sòru pa awa dushi ku ta nesesario pa reforestashon di e parke.

Union Oropeo ta finansiá e programa di GO i e ta bou di maneho di Expertise France. STINAPA ta sumamente agradesido na ámbos partido pa e oportunidat akí i ta gradisí International Desk di entidat públiko Boneiru pa nan sosten ora di hasi petishon pa e fondo.

Vários programa di Union Oropeo i Nashonnan Uní ta brinda posibilidatnan konsiderabel pa Boneiru riba tereno di desaroyo di konosementu i sosten finansiero, tantu pa entidat públiko Boneiru komo pa interesadonan den komunidat boneriano. Pa e motibu akí entrante 1 di yüli 2022 a lanta un ofisina internashonal na entidat públiko Boneiru, ku ta kai bou di portofolio di gezaghèber komo e Territorial Authorized Officer (TAO) di Boneiru pa Union Oropeo. International Desk Boneiru tin komo meta prinsipal pa duna i plama informashon tokante fondonan oropeo i otro fondonan internashonal ku ta disponibel na bienestar di Boneiru.  

Related posts

Representacion di Hulanda na Aruba (VNO) hunto cu mas of menos 100 alumno di historia y organisacion politico cu actividad di Prinsjesdag

EA News Author

Presentashon Plan Maestro Boneiru 2030 posponé te 6 di novèmber

EA News Author

Ta conseha pa no bay cu mucha bao di 5 aña carnaval

EA News Author

Leave a Comment

Whatsapp Message