ORANJESTAD,Aruba
Funcionarionan di DVG (Departamento di Salud Publico) tabata presente den e conferencia di prensa diadomingo atardi. Presente tabata PR di DVG Jurrette Croes y dr. van Tright di HAVA (Asociacion di Dokternan di Cas).
Sra. Croes a cuminsa pa ripiti cu tin 3 caso positivo nobo. 189 a sali negativo y 197 persona getest te aworaki. El a pidi pa respeta privacidad di e pashent y ta pidi pueblo no yama e linea di emergencia pa puntra kende ta esnan cu a test positivo.
A haci evaluacion di e call center y despues di 11’or di anochi e yamadanan ta limita pa cual a adapta e orario. El a bira awo di 7’or di mainta pa 11’or di anochi. Esnan cu tin sintoma y no por haya contacto 2800101, y nan por subi riba www.arubacovid19.org pa yena un cuestionario. Na final lo haya un instruccion kico pa haci. Edgard Diaz na Salubridad Publico ta e persona cu por contact pa haya un badge, si bo ta un persona cu mester traha durante e toque de queda.
