Bonaire Internacional

ACE Kids Club ta lansa e Tumba Palu di Kuenta riba merkado Tema musikal di e obra teatral E Palu di Kuenta


E grupo di teater ACE Kids Club ta lansa riba merkado un tremendo tumba titula
“E Palu di Kuenta”. Weekend tras di lomba e piesa aki a keda estrena den repertorio di varios radio
emisora.

E piesa musikal aki ta e tema prinsipal di un obra di teater (komedia) “E Palu di Kuenta ku pronto lo bai
estrena na Boneiru.
E piesa musikal “E Palu di Kuenta” ta un komposishon i areglo di Segni Bernardina i Xemio Jacobs,
kanta pa Zoukaino Jacobs huntu ku ACE Kids Club. E piesa aki a keda krea pa huntu ku e obra teatral
nos bolbe trese e diferente historianan di antes pero tambe pa stimula kontamentu di kuenta bek. A
skohe pa e ritmo di Tumba pa asina sigui engrandesa ritmonan tipiko di nos isla.
Aparte di e piesa ACE Kids Club ta trahando riba e video clip.
E Palu di Kuenta ta un proyekto di Art Culture Education Foundation ku ta un fundashon ku a lanta pa
stimula arte i kultura pa medio di edukashon.
E proyekto aki a keda finansia pa Identidat Publiko di Boneiru i ku sosten di SKAL i tambe algun sponsor
manera: Playa Trading, Top Proffesional Cleaning i Cactus Accounting.
E muchanan di ACE Kids Club ta trein intensivo pa pronto estrena e obra “E Palu di Kuenta” dia 12, 13 i
14 di November i lo keda presenta den Centro di Bario Tera Cora.
Pa mas informashon tokante di e proyekto aki por tuma kontakto ku
Segni Bernardina na telefon +599 796 5677 of Lilimar Valencia na telefon +5999 665 8177
Por mail nos na acesbonaire@gmail.com of tuma kontakro via di nos facebook ACE Bonaire.

Related posts

A ampliá e kapasidat di tèst pa e vírùs di COVID-19 konsiderabelmente pa medio di un koperashon entre BonLab N.V. i HESTIA CSC

EA News Author

Importante: Si bo tin keho keda kas, no bai traha

EA News Author

Elvis Santiago coach di vespo ta hopi orguyoso di su hungadornan

EA News Author

1 comment

Leave a Comment