FeaturedLocalAruba Turismo

AHATA ta contribui na un educacion mas accesibel na San Nicolas

Ahata

Aruba Hotel & Tourism Association (AHATA) ta apoya
educacion na San Nicolas cu un donacion di AFL 25.000 pa Sociaal Fonds Colegio Nigel Matthew
(SFCNM). E contribucion ta forma parti di e esfuerzonan continuo di AHATA pa inverti den
preparacion di Aruba su forsa laboral.
E donacion a ser presenta pa presidente y CEO di AHATA, Sra. Tisa LaSorte, na presidente di e
fondo social, Sra. Magaly Maduro, y miembro di e directiva, Sr. Nigel Matthew. E fundacion tin
como mision pa yuda hobennan enfrentando limitacion financiero cu e fondonan necesario pa
finalisa nan estudio secundario na Colegio Nigel Matthew na San Nicolas.
Sra. LaSorte a resalta e importancia di e fundacion su trabou, y ta contento cu e contribucion lo
ta un inversion den e futuro di studiantenan di San Nicolas, brindando nan cu un miho
oportunidad pa desaroya nan mes den un ambiente di estudio cu ta cultiva e potencial di tur
alumno.
AHATA ta keda firme den nan planes pa sigui colabora cu skolnan na Aruba y dedica recursonan
na un educacion mas accesibel, asina creando mas impacto positivo den e preparacion di nos
hobennan y di nos futuro forsa laboral.

Related posts

Resultadonan di UNWTO ta mustra cu Aruba tawata tin un bon recuperacion: Mas rapido cu otro mundialmente y den Caribe

EA News Author

No tin estimulo economico riba termino cortico

EA News Author

Partners pa implementa proyecto covid-19 relief pa binnenlandse zaken y koninkrijksrelaties (bzk) hulanda a firma acuerdo

EA News Author

Leave a Comment

Whatsapp Message