*For di cuminsamento di mundo e diabel a percura pa caminda di hende wordo corcobia, susha, y e
relacion cu Dios a wordo kibra.
Y te ainda nos ta mira con awendia, hende ta pone oido y bista pa maldad, inmoralidad, abominacion,
violencia, orguyo y arogancia, cual ta indentifica e mundo di scuridad cu ta presente den nan bida.
*Apostol Pablo a bisa lo siguiente:
No cu mi a alcansa esaki caba,of cu mi a bira perfecto caba, ma mi ta haci tur esfuerso, pa mi por gara
e loke pa cual ami tambe a wordo gara door di Cristo Hesus. Rumannan mi no ta pretende cu mi mes
a gare caba, ma un cos mi ta haci, lubidando loke ta keda atras. Y aspirando na loke ta dilanti. Mi ta
haci tur mi esfuerso pa alcansa e meta, pa haña e premio di e yamada celestial di Dios den Cristo
Hesus.
*E cos aki ta serio, e bida aki ta exigi,cu hende mester para firme, pasobra e trampanan y tentacion di
enemigo ta hopi.Pesey Cristo Hesus a bini pa redimi y restaura nos bida cu Dios. ( Juan 10:10 y 2
Corintionan 5:17-19).
*Pesey Señor ta bisa nos tur den Isaias 41:10: No tene miedo, pasobra Ami ta cu bo, no desmaya
pasobra Mi ta bo Dios, Lo Mi fortalesebo,si lo Mi yuda bo.si lo Mi sostenebo cu mi man drechi di
husticia.
Senjor ta confirma su yudansa na nos, laga nos recorda cu nos no ta nos so, cu Cristo Hesus ta cu
nos.Su bondad y Su misericordia nunca lo faya nos.
Prepara e caminda di Señor, haci su berehanan stret, Tur vaye lo wordo yena,y tur sero y tur serito lo
wordo baha, y loke ta corcoba lo bira stret, y e camindanan malo lo bira liso, y tur carni lo mira
salbacion di Dios.(Lucas 3:4-6).
Ta un dolor pa mira con tin hende ta persisti pa cana den caminda dobla, yena cu scuridad y sumpiña,
persisti pa bay contra Dios y su palabra, nan ta usa nan sabiduria pa maldad , asina locual nan ta yama
sabiduria a comberti su mes den malicia pasobra e ta totalmente terenal y no ta bini di ariba, e ta
natural y diabolico,pasobra caminda te existi envidia y egoismo, tin desorden y tur sorto di cos malo. (
Santiago 3:15-16).
Confia den Señor cu henter bo curason, y no depende riba bo mes comprendemento,. Den tur bo
camindanan reconoc’E y e lo dirigi bo berehenan.( Proverbionan 3:5-6).
Asina cu e presencia di Dios no ta den bo caminda, bo cas y bo famia, scuridad ta presente, pasobra
hende no por haci nada riba nan mes sin yudansa di Dios.
Salmo 100 ta recorda nos lo siguiente:
Reconoce cu Señor , E ta Dios, E ta esun cu a traha nos,y no ta nos a traha nos mes, nos ta su pueblo y
carnenan cu E ta pastoria.
E engaño di mundo ta pone hende pensa cu nan no por sali for di nan caminda malo y for di e fuente di
scuridad, mundo ta ofrece tur tipo di trampa pa mantene hende den scuridad, y asina nan keda
enemigo di Dios y amigo di mundo.
Pero e palabra di Dios ta recorda nos den Salmo 103:2-5: Bendiciona Señor O mi alma , y no lubida
ningun di su beneficionan . Kende ta pordona tur bo inikidadnan , kende ta cura tur bo malesa nan.
Kende ta redimi bo bida for di destruccion , Kende ta corona bo cu misericordia y compasion.
Sinceramente. Pastor Marcel Balootje.