Minister Maduro a firma pa Aruba por fia 237 miyon florin den e di 5 tranche di fiansa for di Hulanda pa cubri e necesidad financiero di april, mei y juni
Den aña 2020 a fia 413,8 myon florin for di Hulanda
Diahuebs merdia den presencia di Promer Minister, Minister Maduro a firma pa Aruba por haya e di 5 tranche di fiansa for di Hulanda. E biaha aki e suma cu Aruba ta ricibi ta 237 miyon florin pa por cubri e necesidad financiero di e lunanan di april, mei y juni 2021. Cu fondonan aki Gobierno por sigui sigura pago di, entre otro, subsidio di salario pa asina yuda comercio surpasa e crisis y pa por conserva cupo di trabou pa trahadornan.
Den aña 2020 Aruba a ricibi un total di 413,8 miyon florin na fiansa di Hulanda parti den 4 tranche. Na fin di aña Aruba a haya un ‘voorschot’ di 71 miyon florin pa por a cubri e gastonan di comienso di aña. E fondonan ricibi na fin di aña 2020 tabata suficiente pa por a cubri e necesidad financiero di e promer kwartaal di aña 2021 y pesey no mester a busca fiansa pa e promer kwartaal. Awor pa e di dos kwartaal ta fia 237 miyon florin pa cubri e necesidad financiero di nos Pais.