Na MFA na paradera a tuma luga e di dos anochi di consulta riba ley di cacho,unda cu a presenta un concepto di ley cual ta e Landsverordening di “Dieren welzijn”. E presentacion aki den diferente bario ta pa duna oportunidad na e comunidad pa tambe duna nan pensamento riba e ley prome cu e ley bay parlamento. Minister Ursel Arends ta contento con tur cos ta canando
Minister Ursel Arends ta indica cu prome cu e ley di Landsverordening di “Dieren welzijn”.mester bay parlamento , kier haya mas input di comunidad prome cu e cana su proceso pa yega parlamento. Tambe e ley ta publica riba publico.aw pa esunnan cu ta interesa pa haya sa mas.
Segun minister Ursel Arends aunke cu e grupo ta un grupo chikito , pero loke ta importante ta e input di cada un di nan ta valioso y asina por trece cambio constructivo cu ta keda carga pa e comunidad tambe.
E responsabilidad no ta bay ta solamente riba esunnan cu ta vigila , pero tambe e responsabilidad ta cay riba cada ciudadano cu tin un bestia na cas. Tambe ta bay tin un instancia unda cu lo indica y atende cu tur loke ta trata bienestar di animal riba nos pais.