Aruba Investment Agency (ARINA), un unidad di Departamento di Asunto Economico, Comercio y Industria (DEZHI), ta distancia su mes completamente for di actividadnan fraudulento cu ta wordo realisa uzando su nomber y imagennan di lidernan politico manera e Prome Minister y e Minister di Finansa, Asunto Economico y Sector Primario, pa convence publico pa inverti den stocks of otro producto financiero.
ARINA ta e unidad oficial di promocion di inversion bou di DEZHI. Nos ta guia y yuda inversionistanan stranhero (y local) cu kier inverti na Aruba. Nos ta duna informacion tocante permiso di negoshi, tereno, oportunidadnan pa sectornan specifico y regulacion gubernamental.
Alerta pa publico
Nos ta pidi e comunidad pa keda alerta y no bira victima di SPAM calls of di engaño cu ta uzando e nomber di ARINA of figuranan gubernamental. Si bo ricibi un mensahe, video of yamada cu ta pidi bo pa inverti den stocks of crypto, por fabor reporta esaki na autoridadnan competente.
Contact nos pa informacion oficial
Pa informacion oficial tocante inversion na Aruba, por fabor bishita nos website http://www.investinaruba.com of manda un email na info@investinaruba.com.
Laga nos traha hunto pa proteha e integridad di e clima di inversion aki na Aruba.