Despues cu a pone Aruba lomba pa muraya, a pone COHO y despues a cambia pa onderlingeregeling, awo e discusion ta riba di Rijkswet Aruba financieel toezicht (RAft). Sinembargo e discusion no ta si Aruba kier supervision financiero si of no, Aruba tin supervision finansiero caba y Aruba kier supervision financiero. Segun Prome Minister di Aruba Evelyn Wever Croes debi cu Aruba tin supervision financiero esaki a yuda finansas di Pais Aruba. Prome cu a bin cu supervision financiero Aruba tabata conoce deficit nan di 300 ,400 pa 500 miyon cu ta mas cu e debe di henter di e pandemia cu Aruba a ricibi. E tempo ey Aruba tabata den su flor. Mirando e mal maneho cu a keda tuma e tempo ey Aruba a ricibi LAFT y supervision financiero y esey a cambia. Prome Minister ta kere cu tabata hopi importante cu e supervision financiero a tuma luga pa asina para e fiesta sino hopi mas generacionnan lo a wordo perhudica con a maneha e pais aki.
Click aki bao like y share