Vice presidente di fundacion Corsou caminda pa libertad Disreal Orphelin ta duna di conoce cu awo cu delegacionnan di e paisnan den reino tin reunion di IPKO lo ta hopi bon pa parlamento di Corsou cuminsa pusha pa Corsou ta un miembro legitimo di Nacionnan Uni. Sinembargo na momento cu ta trata di reunionnan na mesa rondo e minister nan president di Aruba , Corsou y Sint Maarten mester cerca cabes y confronta prome Minister di Hulanda Marc Rutte pa Hulanda respeta e derecho di e paisnan den Caribe. Segun Vice presidente di fundacion Corsou caminda pa libertad Disreal Orphelin e islanan den Caribe tin mes un derecho cu nan y si hunto mane un bloke logra e ta nifica cu Hulanda no por bin bisa mas cu e islanan aki no por forma parti mas y of no tin voz mas. E islanan mester para duro paso tanto Aruba, Corsou y Sint Maarten tin e mes un derecho pa ta miembro di union Europeo y cu derecho di voto. Vice presidente di fundacion Corsou caminda pa libertad Disreal Orphelin ta kere cu nos como islanan den Caribe no mester acepta nada cu ta stroba pa por yega na e punto pa yega den Union Europeo.
Aruba,Curacao y Sint Maarten mester traha hunto pa logra representacion den Nacionnan Uni
