Dia 4 februari 2021 un señora a pone central di polis na altura cu saliendo for di un casino ela wordo atraca den Shellstraat net pariba di Royal Plaza. Atracoteam a disidi di hasi loke nan ta jama un buurtonderzoek y a revisa tur e cameranan den e vecindario. Ariba niun no por a detecta cu enberdad e señora a wordo atraca.
Awe Atracoteam a disidi di bay interoga e señora, confrontando e señora cu loke nan investigacion a conclui. E señora a bin admiti cu ela inventa e storia. Despues di a tuma su declaracion como sospechoso ministerio publico a lage den libertad.
Pa Cuerpo Policial por resolve mas caso cooperacion y informacion di pueblo di Aruba ta hopi importante pesey nos ta pidi si bo tin cualkier informacion jama nos tiplijn: 11141. Nos ta garantisa cu bo ta keda anonimo.