Ya pa algun luna caba. Biblioteca por a nota bastante interes pa e miembrecia di E-books. Awor miembronan por lesa revista tambe online. Biblioteca Nacional Aruba por ofrece e servicio aki danki na un cooperacion cu Koninklijke bibliotheek na Hulanda.
Biblioteca ta informa cu miembronan tin e opcion awor pa lesa 16 revista Hulandes. Esaki ta un servicio addicional. Miembronan di biblioteca cu ta desea di lesa Ebooks of scucha ‘Luisterboeken’ (Storia conta) of lesa revista online por aplica pa esaki mandando un email pa info@bibliotecanacional.aw
Den email e miembro ta duna e number riba e carchi miembrecia di biblioteca, su nomber y fam completo como tambe e number di Smartphone. Un empleado di biblioteca ta manda un username y un password pa e miembro y un splicacion con ta login via e website di onlinebibliotheek. Lesamento ta bay pa medio di un app cu e miembro ta download via Google Playstore of Apple App store. Tin un app pa Ebooks (lesa y/of scucha) y un otro pa revista. Por uza e mesun informacion di login pa tur dos servicio.
Pa por aplica pa e servicvionan adicional aki e miembrecia mester ta paga. Den caso cu e e miembrecia a vence por pasa paga esaki (cash) na biblioteca San Nicolas of Oranjestad y despues aplica.
